2 medal qazanan gənc taekvondo millimiz sabah Vətənə dönür

Kipr respublikasının Larnaka şəhəri “Kision Athletic Center” arenasında gənc taekvondoçuların Avropa birinciliyi başa çatıb. Allsport.az saytı xəbər verir ki, 700-dən çox iştirakçının qatıldığı yarışda millimiz cəmdə 1 qızıl və 1 bürünc medala sahiblənib.

Baş məşqçi Məmməd Abdullayev və böyük məşqçi Zahid Məmmədovun komandasından Bəhruz Quluzadə (45 kq) 1-ci, Cavad Ağayev (63 kq) 3-cü yer tutub.

Azərbaycan Taekvondo Federasiyasının vitse-prezidenti Niyaməddin Paşayevin rəhbərliyi ilə qitə birinciliyində iştirak edən komandamız sabah Vətənə dönəcək.