Premyer Liqada 11-ci tur rəqəmlərin gözü ilə

Bu həftə Topaz Premyer Liqasında 16-cı turun oyunları keçiriləcək. Allsport.az xəbər verir ki, iki gün davam edəcək turun 3 oyunu Bakıda, biri paytaxtdan kənarda baş tutacaq.

Peşəkar Futbol Liqasının rəsmi internet saytı üz-üzə gələcək cütlərin əvvəlki oyunlarının balansını təqdim edir.

Topaz Premyer Liqası
16-cı tur
13 dekabr (şənbə)

76. “Simurq” – “İnter” – 21 oyun, +3=3-15, top fərqi 11:32

22-ci görüşədək oyunların yarısından çoxunda qalib gələn “İnter” son duellərdə də üstündür. Bakılılar ardıcıl 4 matçdır ki, rəqibindən qol buraxmır. Komandaların son 5 matçında isə qonaqlar ən azı 1 xal əldə edir.

 14 dekabr (bazar)

78. “Bakı” – “Xəzər Lənkəran” – 29 oyun, +9=12-8, top fərqi 29:32

Rəqiblərin yubiley – 30-cu dueli ərəfəsində paytaxtın eyniadlı təmsilçisinin cüzi üstünlüyü var. “Xəzər Lənkəran” qələbə sayında tarazlıq yaratmağa, “Bakı” isə 10-cu dəfə 3 xal əldə etməyə yaxındır. Cənublular son qarşılaşmada böyük hesabla qalib gəlsə də, 5 ildir səfərdə qələbə qazanmır. Belə ki, bakılılar evdəki son 8 qarşılaşmada yenilməyib.

79. “Neftçi” – “Sumqayıt” – 9 oyun, +5=1-3, top fərqi 21:10

10-cu dəfə qarşılaşacaq komandaların oyunlarında “Neftçi”nin üstünlüyü var. Öz meydanındakı 4 qarşılaşmada cəmi 1 dəfə uduzan “ağ-qaralar” top fərqində daha böyük fərqə nail olub. Lakin “Sumqayıt” son iki səfər matçında rəqibinə uduzmayıb.

80. “Qəbələ” – “Qarabağ” – 25 oyun, +5=7-13, top fərqi 21:35

“Qarabağ”la son 7 oyunda “Qəbələ” xal qazana bilməyib. Bu qələbə seriyasının son 3 görüşündə ağdamlılar qol da buraxmayıb. Ümumilikdə isə 26-cı duel öncəsi “Qarabağ” böyük üstünlüyə malikdir.