AFFA “Qarabağ” və “Keşlə”nin qırmızı vərəqə alan futbolçularını 3 oyun cəzalandırıb

AFFA intizam komitəsinin növbəti iclası keçirilib. Allsport.az saytı xəbər verir ki, aparılan müzakirələrdən sonra Topaz premyer liqasının 21-ci turunun oyunları ilə bağlı qərarlar çıxarılıb:

“Qarabağ” – “Keşlə” matçının 60-cı dəqiqəsində ev sahibindən Coşqun Diniyev və rəqib futbolçu Sezar Meza Kolli aqressiv davranışa görə birbaşa qırmızı vərəqə alaraq meydandan kənarlaşdırıldıqları üçün, hər ikisi 3 oyunluq cəzalanıb, klubları 2400 manat cərimə olunub.

Futbolçulara verilmiş 3 oyun cəzanın 1 oyunu şərti cəza kimi tətbiq edilir və 6 ay sınaq müddəti verilir. Sınaq müddəti ərzində yenidən cəzalanacaqları təqdirdə cəzanın növbəti hissəsi qüvvəyə minəcək.

Həmin kateqoriyadan