Alyona Barbakadze: Qapıçımız vacib anda mühüm qurtarışlar etdi

Qadın həndbolçuların superliqasının 16-cı turuna Mingəçevirdə start verilib. “Kür” Olimpiya İdman Mərkəzində keçirilən “Nur” və “Azərsu” klublarının görüşündə qalib müəyyənləşməyib (24:24). Qonaq komandalarının oyunçusu Alyona Barbakadze allsport.az saytına açıqlamasında, nəticənin onlara qane etdiyini deyib:

“Təəssüf ki, matç Bakıda deyildi. Yoxsa, azarkeşlərimizi maraqlı və gərgin oyunla sevindirərdik. Hər 2 komandalar sonadək mübarizə apardı. Qapıçımız vacib anda mühüm qurtarışlar etdi.

Görüş boyu “Nur” bizi hesabda təqib etdi. Hətta biz 2 dəfə 1 top fərqi ilə önə çıxmışdıq. Sona 5 dəqiqə qalmış hansı komandanın qalib gələcəyi bilinmirdi. Gücləe də bərabər idi. Elə yekunda heç-heçə oldu. Hesab bizi tam qane edir”.

 

Həmin kateqoriyadan