Anna Həmidova və Dmitri Çapligin ən sərrast həndbolçular olub

Azərbaycan çempionatının ən sərrast həndbolçuları müəyyənləşib. Allsport.az saytı xəbər verir ki, qadınlarda rəqib qapılarına ən çox yol tapan Anna Həmidova olub.

“Qarabağ”ın hücumçusu 157 dəqiq zərbənin müəllifidir. “Gənclərbirliyi”dən Kamilla Bayramova 105 qolla 2-cidir. “İdman Akademiyası”nın üzvü Yuliya Deryabina (104) 3-cüdür.

Kişilərin superliqasında 105 qolla “Təhsil”in oyunçusu Dmitri Çapligin bombardir olub. Onun komanda yoldaşı Sergey Dubovik 84 dəfə fərqlənib. “Bakı”nın üzvü Sabir Nəzərəliyev 78 qolla 3-cü yerdə qərarlaşıb.