Avrokuboklara “İqtisadçı”sız

Qadın voleybol klublarımız cari mövsümdə avrokuboklarda 5 deyil, 4 komanda ilə qatılacaq. Allsport.az saytı xəbər verir ki, buna səbəb “İqtisadçı”nın fəaliyyətini dayandırması olub. CEV kubokunda çıxışı nəzərdə tutulan “tələbələr”i beynəlx arenada heç bir klubumuz əvəzləməyəcək.

Belədə, Superliqanın bürünc medalçısının 1/16 finalda rəqibi olacaq “Loqranosu”nun (İspaniya) texniki qələbə qazanacağı şübhəsizdir. Yekun qərarı CEV açıqlayacaq. Qeyd edək ki, yeni mövsümdə “Rabitə” və “Azəryol” Avropa Çempionlar Liqasında, “Lokomotiv” CEV kubokunda, “Azərreyl” isə “Çelenc Cup”da mübarizə aparacaq.