Azərbaycan çempionu “Qaliçanka” ilə oyuna Ujqorodda hazırlaşır

Qadın həndboldçulardan ibarət “Azəryol” avrokuboka hazırlaşır. Allsport.az saytı xəbər verir ki, komandamız bu məqsədlə Ukraynanın Ujqorod şəhərinə yollanıb.

Azərbaycan çempionu EHF kubokunda Ukraynanın “Qaliçanka” klubu ilə qarşılaşacaq. Razılaşmaya əsasən, hər 2 oyunu Lvovda keçirəcək. İlk görüş sentyabrın 7-də, cavab matçı ertəsi gün olacaq.

Qeyd edək ki, “Qaliçanka”nı vaxtı ikən “Azəryol”un baş məşqçisi Georgi Voronov çalışdırıb.