Azərbaycan cüdo nümayəndə heyəti dünya çempionatının püşkatmasında iştirak edib

Macarıstanın paytaxtı Budapeştdə cüdo üzrə dünya çempionatının püşkatması keçirilib. Allsport.az saytı xəbər verir ki, mərasimdə Beynəlxalq Cüdo Federasiyasının rəhbərliyi və icraiyyə komitəsinin üzvləri, milli federasiyaların rəsmiləri, yığma komandaların məşqçiləri, tanınmış cüdo xadimləri iştirak ediblər. Püşkatmanın nəticələrinə görə cüdoçularımızın ilk rəqibləri məlum olub:

Kişilər

60 kq – Orxan Səfərov – Tapiva Pavari (Zimbabve) / Yanislav Qerçev (Bolqarıstan) cütlüyünün qalibi
66 kq – Nicat Şıxəlizadə – Eldos Jumaxanov (Qazaxıstan)
73 kq- Rüstəm Orucov – Aqil Qjakov (Kosovo) / Xavyer Ramires (İspaniya) qarşılaşmasının qalibi
Hidayət Heydərov – Əhməd Əl Mezaati (Mərakeş)
90 kq- Məmmədəli Mehdiyev – Kristian Bodirlau (Rumıniya), Tural Səfquliyev – Xose Aroyo (Peru)
100 kq – Elxan Məmmədov – Luis Medina (Dominikan Respublikası) / Kayl Reyes (Kanada) görüşünün qalibi
Elmar Qasımov – Otqonbatar Lxaqvasuren (Monqolustan) / Səidcəlal Səidov (Tacikistan)
+ 100 kq – Uşanqi Kokauri – Rafael Silva (Braziliya)

Qadınlar

48 kq – Leyla Əliyeva – Funa Tonaki (Yaponiya), Erdenabat Bazarraqça – Aleksandra Pop (Rumıniya)
52 kq – Nəzakət Əzizova – İkram Soukate (Mərakeş), Purevsuren Buyankışinq – Natalya Kuzyutina (Rusiya)
57 kq – Munktsedev İçinkolo – Joan Ekusoan (İspaniya), Səkinə Zairova – Viktoriya Mayorosova (Slovakiya)
63 kq – Gülsədəf Kərimova – Anrikelis Barrios (Venesuela)
+ 78 kq – İrina Kindzerska – Essoxanam Koros (Toqo)

Qeyd edək ki, cüdo üzrə dünya çempionatı avqustun 28-dən sentyabrın 3-dək keçiriləcək. Yarışda ölkəmizi 17 cüdoçu (9 kişi, 8 qadın) təmsil edəcək. ACF-in prezidenti Rövnəq Abdullayevin başçılıq etdiyi nümayəndə heyəti də hazırda Budapeşt şəhərindədir. Dünya çempionatının görüşləri ölkəmizdə “CBC Sport” telekanalı ilə canlı yayımlanacaq.