Azərbaycan qılıncoynadanları dünya kubokunda iştirak edəcəklər

Mayın 2-3-də Çində qılıncoynatma üzrə dünya kubok yarışları keçiriləcək. Allsport.az xəbər verir ki, bu barədə “Azərtac”a qılıncoynatmanın sabliya növü üzrə kişilərdən ibarət Azərbaycan millisinin baş məşqçisi Elxan Əhmədov məlumat verib.

Onun sözünə görə yarışda Azərbaycanı Səbina Mikina, Fatimə İbrahimova , Sevil və Sevinc Bünyatovalar təmsil edəcəklər. Qeyd edək ki, turnir milli komandamız üçün ilk Avropa Oyunlarına hazırlıq xarakteri daşıyacaq.