Azərbaycan triatlonçusu Afrika açıq kubokunun qızıl medalını qazanıb

Azərbaycanın triatlon üzrə yığma komandası bu il beynəlxalq yarışlarda ilk medalını qazanıb. Allsport.az xəbər verir ki, qızıl medalın sahibi Rostislav Pevstovdur.

O, Misirin Hurgada şəhərində keçirilən açıq Afrika kubokunda birinci yerə layiq görülüb. Həmçinin R.Pevstov Olimpiya Oyunlarına vəsiqə əldə etmək üçün öz aktivinə reytinq balları da yazıb. Yığmanın digər üzvləri Aleksandr Yatsenko 6-cı, Kseniya Levkovskaya isə 10-cü yerə layıq görülüb.

Qeyd edək ki, bu, R.Pevstovun ilk uğuru deyil. İdmançı ötən il Meksikada Panamerika Kubokunun gümüş medalına, eləcə də Asiya Kubokunda və Dünya Kubokunda 2-ci yerə layiq görülüb.

Həmin kateqoriyadan