“Azərreyl” Çempionlar Liqasına qələbə ilə başlayıb

Bu gün qadın voleybolçular arasında Avropa Çempionlar Liqasının qrup mərhələsində “Azərreyl” ilk oyuna çıxıb. Allsport.az saytı xəbər verir ki, “dəmiryolçular” paytaxtda Polşanın “Dabrova Qornitsa” klubu ilə qarşılaşıblar. Görüş Famil Ağayevin komandasının qələbəsi ilə bitib – 3:1 (25:21, 15:25, 25:22, 28:26).

Dünən digər təmsilçimiz “Telekom” səfərdə “İmoko” klubunun qonağı olub. Bu görüşdə İtaliya voleybolçuları qalib gəliblər – 3:0 (31:29, 25:14, 25:22).