Bakıda Formula2 ötüşməsi başlayıb

Bu gün dünya çempionatının 4-cü mərhələsi olan Azərbaycan qran-prisi çərçivəsində Bakı Şəhər Halqasında Formula2 üzrə sərbəst yürüşlərə start verilib.

Allsport.az saytı  xəbər verir ki, 45 dəqiqə davam edəcək sərbəst yürüşlər başa çatdıqdan sonra, saat 13:00-dan 14:30-dək Formula1 mükafat yarışında ilk sərbəst yürüşü keçiriləcək. Saat 15:00-da isə Formula 2-nin sıralama turu başlayacaq. Yarışda 10 komanda birincilik uğrunda mübarizə aparır. Hər komandanı 2 pilot təmsil edir.

Xatırladaq ki, ötən il iyunun 23-25-də Bakıda keçirilən Formula2 turunun ilk ötüşməsində “Pertamina Prema Theodore Racing” komandasının sürücüsü Çarles Lekrerk, 2-ci yarışında “BWT Arden” komandasının pilotu Norman Nato qalib gəlmişdi.