Bayraqdar “Keşlə”nin yenildiyi Bosniya komandasına böyük hesabla qalib gəldi

Bu gün “Neftçi” klubu Türkiyədəki təlim-məşq toplanışı çərçivəsində 3-cü yoxlama oyununa çıxıb. Allsport.az saytı xəbər verir ki, bayraqdar “Fənərbağça Topuq Yaylası Resort and Sport” mehmanxanasının meydanında Bosniya və Hersoqovinanın “Çəlik” komandası ilə qarşılaşıb.

Üstün oynayan Roberto Bordinin drujinası rəqibi 4:1 məyus edib. Dünən bu kollektiv “Keşlə”ni 2:0 üstələmişdi. Xatırladaq ki, bundan öncəki sınaq matçlarında “ağ-qaralar” Makedoniyanın “Şkupi” və Rumıniyanın “Dunarea Kalarası” klublarını 2:0 qalib gəlmişdi.