Cahangir Əsgərov Tomaş Ayanı yenidən İWF prezidenti seçilməyi münasibəti ilə təbrik edib

Tailand paytaxtı Banqkokda Beynəlxalq Ağırlıqqaldırma Federasiyasının toplantısı keçirilib. Allsport.az saytı xəbər verir ki, tədbirdə İWF-ə prezident seçkiləri olub. Bu vəzifəyə əsas namizədlər macarıstanlı Tomaş Ayan və italiyalı Antonio Urso olublar.

Yığıncaqda Azərbaycanı AAAF-in vitse-prezidenti Tofiq Heydərov, baş katib Rizvan Rəsulov və rəyasət heyətinin üzvü Fəxri Ağayev təmsil ediblər.

Seçkilərdə 86 səs toplayaraq rəqibini 25 səs qabaqlayan Tomaş Ayan yenidən İWF-in prezidenti seçilib. 12 il bu vəzifədə çalışan mütəxəssis, növbəti 4 beynəlxalq quruma rəhbərlik edəcək.

Azərbaycan Ağır Atletika Federasiyasının prezidenti Cahangir Əsgərov seçkilərdə qalib gələn Tomaş Ayanı təbrik edib, ona uğurlar arzulayıb, federasiyalar arasındakı dostluq əlaqələrinin davam edəcəyinə inamını bildirib.

Həmin kateqoriyadan