Daha bir ağırlıqqaldıranımız Las-Veqasda bürünc medal qazanıb

ABŞ-ın Las-Veqas şəhərində yeniyetmə ağırlıqqaldıranların dünya birinciliyi davam edir. Allsport.az saytı xəbər verir ki, 34 ölkədən 98 idmançının qatıldığı yarışda millimiz yenə fərqlənib.

Bu gün körpücük üzərinə bu yaş dərəcəsində Avropa birinciliyinin qalibi Rüstəm Qasımov (67 kq) çıxıb. O, birdən qaldırmada 121 kq nəticə ilə “kiçik bürünc” medal qazanıb.

Toplam 264 kq (121+143) ağırlığın öhdəsindən gələn Rüstəm yekun sıralamada 5-ci yer tutub.