“Dördlər finalı”nın məkanı müəyyənləşib: “Azərreyl” Trevizoda oynamaq hüququ qazanacaqmı?

Qadın voleybolçular arasında Çempionlar Liqasının “dördlər finalı” İtaliyada keçiriləcək. Allsport.az saytı xəbər verir ki, bu dəfə həlledici mərhələnin təşkilatçılığını Bakının “Telekom” klubu ilə bir qrupda yer alan “Konegliano” öz üzərinə götürüb.

Matçlar aprelin 22-23-də Trevizo şəhərində oynanılacaq. Bu mötəbər yarışda ölkəmizi “Azərreyl” və “Telekom” komandaları təmsil edirlər. “Rabitəçilər”dən fərqli, “dəmiryolçular” növbəti raunda adlayıb.