Dünya Güləş Birliyinin reytinqində Mariya Stadnik yenə Eri Tosakaya uduzur

Dünya Güləş Birliyi qadınların yeni əmsalını açıqlayıb. Allsport.az saytı xəbər verir ki, siyahının ilk sıraları dəyişməz qalıb. Millimizin öncülü Mariya Stadnik 48 kq-da yenə 2-cidir.

O, ilk pilləni Rio-2016 olimpiadasında finalda sona 3 saniyə qalmış qələbəni əldən verdiyi yaponiyalı Eri Tosakaya uduzur. Legionçumuzun mövqeyini möhkəmləndirməsinə səbəb mayda Serbiyanın Novı Sad şəhərində keçirilən Avropa çempionatında qızıl medal qazanmasıdır.

3-cü yerdə digər yaponiyalı Yui Susaki qərarlaşıb. O, son Asiyanın ən güclülərinin yarışının qalibidir. Maşa Braziliyada yenilməsəydi, indi reytinqdə ilk sırada idi. Çünki UWW-un iyul ayı üçün açıqladığı siyahıda Eri Tosakanın bu zəfəri önə çəkilib.

 

Həmin kateqoriyadan