Dünyanın ən məşhur şahmatçılarına “Vüqar Həşimov mükafatı” təqdim ediləcək

Dünyanın ən nüfuzlu “Tata-Steel Masters” turnirinin 80-ci yubiley qarşılaşması zamanı qaliblər məşhur Azərbaycan şahmatçısı Vüqar Həşimovun adına təsis edilmiş “Fair Play” mükafatı ilə təltif olunacaqlar. Allsport.az saytı xəbər verir ki, yarış gəlin ilin 12-28 yanvarında Niderlandın Veyk aan Zee şəhərində keçiriləcək. Hələ 3 il əvvəl V.Həşimovun ailəsi tərəfindən onun əziz xatirəsinə həsr olunaraq yaradılan “Fair Play” mükafatı da ilk dəfə məhz Veyk aan Zee şəhərində baş tutan ənənəvi turnirdə dünya şahmat ulduzlarına təqdim edilib. Bu mükafatla dünyanın ən məşhur şahmatçıları David Navara, Şəhriyar Məmmədyarov, Hou Yifan, Pentala Harikrişna təltif olunublar.

Vüqar Həşimov Şahmat Akademiyasının yaydığı məlumata görə, beynəlxalq qrossmeyster Vüqar Həşimov şahmat üzrə Azərbaycan yığmasının heyətində Avropa çempionu adını qazanıb, FIDE Qran Pri turnirinin, İtaliyada müntəzəm olaraq keçirilən Reccio-Emiliya şahmat turnirinin və bir çox nüfuzlu turnirlərinin qalibi olub və Beynəlxalq Şahmat Federasiyasının (FİDE) reytinqinə görə dünyanın ən güclü şahmatçılarından biridir.

“Tata-Steel Masters”də partiyalar qarşılaşmaları bütün dünya diqqətlə izləyəcək. Azərbaycanın tanınmış şahmat ustası Şəhriyar Məmmədyarovun da daxil olduğu şahmatçıların arasında dünya çempionları Maqnus Karlsen, Vişvanatan Anand, Vladimir Kramnik və Hou Yifan da var.

Həmin kateqoriyadan