Elxan Məmmədovun millimizə gətirdiyi futbolçu İspaniya klubuna yenə lazım olmadı

İspaniya La Liqasında 15-ci turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası – “Eybar” da növbəti matçına çıxıb.

Sözügedən klub doğma meydanda “Valensiya” ilə qarşılaşıb. Futbolçumuzun komandası bu görüşdə 1:1 hesablı heç-heçəyə razılaşıb. İsrafilov bu görüşün iştirak ərizəsində yer almayıb.

Qeyd edək ki, “Eybar” hazırda 21 xalla turnir cədvəlinin 10-cu pilləsində qərarlaşıb.