Emin Mahmudov “Boavişta”da ilk qolunu vurdu, Kamran Ağayev gözəl qurtarışlar etdi

Portuqaliya Primeyra-liqasında 15-ci turunda azərbaycanlı futbolçular Kamran Ağayevlə Emin Mahmudovun formasını geyindikləri “Boavişta” səfərdə “Nasyonal”la görüşüb.

Allsport.az saytı xəbər verir ki, futbolçularımızın komandası bu matçda qalib gəliblər (2:0). Hər 2 milli üzvümüz startda meydana çıxıb.

Emin Mahmudov 11-ci dəqiqədə hesabı açıb. Qapıçımız isə bir neçə dəfə gözəl qurtarış edib. “Şahmatlı bəbirlər” hazırda 17 xalla yarış cədvəlində 9-cudur.