FİA prezidenti Vladimir Putinə onun adı yazılmış yürüş dəbilqəsi hədiyyə edib

Beynəlxalq Avtomobil Federasiyasının rəhbəri Jan Todt Rusiyadadır. 

Allsport.az saytı xəbər verir ki, o, səfər çərçivəsində ölkə prezidenti Vladimir Putinlə bir araya gəlib. Görüş Sankt-Peterburq Dövlət Akademik Mariya Teatrında “Şelkunçik” baletindən sonra baş tutub. 

Onlar Rusiyada avtomobil idmanının inkişafından danışıblar. Sonra qonaq üzərində “V.Putin” yazılmış və Rusiyanın üçrəngli bayrağı çəkilmiş yürüş dəbilqəsini ona təqdim edib.