Forgot Password New Account

Haytam Əlisami: Evdə oynadığımız üçün qələbəyə ümidliyik

Futbol
31 avqust 2017 / 15:21 Baxış sayı: 685

“Oyuna ciddi hazırlaşmışıq. Güclü təlim-məşq toplanışı keçmişik”. Allsport.az sayrı xəbər verir ki, bunu Norveç millisinin və İtaliyanın “Palermo” klubunun futbolçusu Haytam Əlisami Azərbaycan yığması ilə keçirəcəkləri 2018-ci il dünya çempionatının seçmə qrup matçından əvvəl mətbuat konfransında deyib.

26 yaşlı cinah oyunçusu sabahkı oyunda qələbəyə ümidli olduqlarını açıqlayıb: “Kiçik zədəlilərin olmasına baxmayaraq, bütün futbolçular oyuna yüksək əhval-ruhiyyədə köklənib. Evdə oynadığımız üçün qələbəyə ümidliyik. İnanıram ki, bizdə hər hər şey alınacaq”.

Əlisami “Palermo”dakı karyerasının dumanlı olduğunu da dilə gətirib: “Hələ hər şey dumanlıdır. Karyerama aydınlıq gəlməyib. Ümidvaram ki, tezliklə bu məsələyə son qoyulacaq”.

Qeyd edək ki, sentyabrın 1-də Oslodakı “Ullevaal” stadionunda keçiriləcək Norveç – Azərbaycan matçı Bakı vaxtı ilə saat 22:45-də başlanacaq.

Həmin kateqoriyadan