İlqar Qurbanov “ağ göyərçin” oldu

Yeni mövsüm üçün transfer çalışmalarını davam etdirən “Sumqayıt” heyətini daha bir futbolçu ilə gücləndirib. Allsport.az saytı xəbər verir ki, son mövsümü “Qəbələ”də keçirmiş İlqar Qurbanovla 1-illik anlaşılıb. O, yeni komandasında 50 nömrəli geyimdə çıxış edəcək.

Türkiyənin “Fənərbağça” klubunun yetirməsi olan İlqar peşəkar karyerası ərzində “Qəbələ” ilə yanaşı (29 oyun) “Xəzər Lənkəran” (56 oyun, 6 qol), “Sivasspor” (11 oyun, 1 qol), “Boluspor” (19 oyun, 3 qol), “Olimpik Şüvəlan” (23 oyun, 2 qol), “Mersin İdman Yurdu” (7 oyun) və “Qarabağ”ın (109 oyun, 4 qol) uğurları üçün çalışıb.

2006-cı ildən Azərbaycan millisinin şərəfini qoruyan Qurbanov 16 görüşdə meydanda olub.

Həmin kateqoriyadan