Klublarımızın avrokuboklarda növbəti rəqibləri müəyyənləşdi

Azərbaycan voleybol klublarının avrokuboklardakı növbəti rəqibləri müəyyənləşib. Allsport.az xəbər verir ki, Avropa Voleybol Konfederasiyası (CEV) kuboku yarışlarının 1/8 final mərhələsində Serbiyanın “Srvena Zvezda” komandasını yarışdan kənarlaşdıran “Lokomotiv” Rusiyanın “Dinamo” (Krasnodar) kollektivi ilə üz-üzə gələcək.

Çağırış kuboku yarışlarının onaltıdabir finalında “Azərreyl” İsveçrənin “Voley Keniç” kollektivindən üstün olub. Turnirin 1/8 final mərhələsində Bakı təmsilçisi Norveçin “Stod Voley” komandası ilə qarşılaşacaq. Hər iki təmsilçimiz görüşlərini gələn il keçirəcək.