Milli Olimpiya Komitəsində tennis çempionatı müzakirə olunub

Bu gün Milli Olimpiya Komitəsində qarşıdan gələn 2-ci beynəlxalq həmrəylik tennis çempionatına dair iclas keçirilib. Allsport.az saytı xəbər verir ki, toplantıda fəaliyyət planına bir daha nəzər salınıb, MOK və ATF-in birgə tədbirə hazırlıq planı təsdiqlənib.

Tədbir zamanı tələb olunan nəqliyyat, qidalanma, yerləşmə və digər mühüm məqamlara toxunulub. Yarış 23-28 iyulda paytaxtda keçiriləcək. Tennis çempionatı Bakı-2017 İslam həmrəyliyi oyunlarının irsini davam etdirmək, islamda idmana marağı yüksəltməkdən ibarətdir.