Nikola Yurçeviç: 4-cü qoldan sonra hər şey qırıldı

AÇ-2020-nin ələməsində millimiz evdə Slovakiya futbolçularına 1:5 yenildi. Allsport.az saytı xəbər verir ki, görüşdən sonra mətbuat konfransında baş məşqçimiz Nikola Yurçeviç bunu dedi:

“Bu nəticədən sonra nəsə demək çətindi. Amma oyunu qısa da olsa təhlil edəcəm. Qarşılaşmaya yaxşı başladıq, kombinasiya qurmağa, topa sahib olmağa çalışdıq. Matçın gedişində Araz Abdullayevin hesabı 2:3 etmək üçün imkanı oldu.

Əlbəttə, pis nəticədir. 4-cü qola qədər müəyyən fürsətlər oldu. Ancaq həmin qoldan sonra nəyisə dəyişmək çox çətin idi. Böyük hesablı məğlubiyyətə görə azarkeşlərdən üzr istəyirik. Növbəti oyunlarda daha yaxşı çıxış edəcəyimizə ümid edirik”.