Pavel Paşayevin komandası Donetsk “Olimpik”inə uduzub

Ukrayna Liqa Pari-Matçında 8-ci turun oyunları keçirilib. Allsport.az saytı xəbər verir ki, Azərbaycan millisinin müdafiəçisi Pavel Paşayevin formasını geyindiyi “Stal” doğma meydanda Donetsk “Olimpik”i ilə qarşılaşıb.

Ev sahibi bu görüşdən məğlubiyyətlə ayrılıb – 2:3. Futbolçumuz start heyətdə meydana çıxıb və 90 dəqiqə meydanda olub. O, 58-ci dəqiqədə sarı vərəqə ilə cəzalanıb.

“Poladçılar” 8 turdan sonra 6 xalla 12 klub arasında 9-cu yerdədir.