Qadın voleybolçularımız Portuqaliyanın qonağı olacaq

Sabah qadın voleybolçuların Qızıl Avropa liqasında növbəti görüşlər olacaq. Allsport.az saytı xəbər verir ki, Azərbaycan millisi 5-ci turunda Portuqaliyanın qonağı olacaq. Matozinyuşda baş tutacaq qarşılaşma Bakı vaxtı ilə saat 18:00-da start götürəcək.

Görüşü Xose Luis Arrarte Mira (İspaniya) və Pedro Pinto Lopes (Portuqaliya) idarə edəcəklər. Qrupumuzun digər oyununda isə Ukrayna Bolqarıstanı qonaq edəcək.

Qeyd edək ki, Bolqarıstan və Azərbaycanın 9, Ukraynanın 6 xalı var. Portuqaliya hələlik fərqlənməyib.