Forgot Password New Account
Gəzən xəbər

“Qızlar bacarır” fərdi inkişaf akademiyası işə başlayıb

Futbol
25 yanvar 2019 / 13:00 Baxış sayı: 184

AFFA-nın və UNICEF-in əməkdaşlığı çərçivəsində “Qızlar bacarır” fərdi inkişaf akademiyası fəaliyyətə başlayıb. Allsport.az saytı xəbər verir ki, bi işdə “Əsas həyat bacarıqları” mövzusunda hərtərəfli təlim kurslarına start verilib. AFFA-nın inzibati binasında 17 yaşadək qızlardan ibarət Azərbaycan milli komandasının üzvləri üçün təşkil olunmuş ilk təlimdə Assosiasiyanın baş katibinin müavini Sərxan Hacıyev və UNICEF-in Azərbaycan nümayəndəliyinin gənc və yeniyetmələrin inkişafı üzrə mütəxəssisi Aida Aylarova iştirak ediblər.

Təlimlər Niderland Krallığının Azərbaycan respublikasında səfirliyinin dəstəyi ilə həyata keçirilən “İdmanın gücündən istifadə etməklə qızların cəmiyyətdə dəyərinin təşviqi” layihəsi çərçivəsində keçirilir.

Uzun müddət davam edəcək akademiya qızların müxtəlif bacarıqlarını inkişaf etdirmək məqsədi daşıyır. Akademiyada kommunikasiya bacarıqları, stressin idarə olunması, qərar qəbuletmə, kibertəhlükəsizlik, sahibkarlığın inkişafı, maliyyə savadlılığı, sağlam vərdişlər və digər mövzularda məlumat veriləcək. Zərurət olarsa, qızların təlimçi-psixoloqla məsləhətləşmələri də təşkil ediləcək.

Təlimin mövzuları UNICEF-in beynəlxalq eksperti tərəfindən məhz futbolçu qızlar üçün uyğunlaşdırılıb.

Həmin kateqoriyadan