Qurban Qurbanov: Nəticədən narazılıq varsa, bunu üzərimə götürməliyəm

“Ay-ulduzlular”ımız millətlər liqasının qrup mərhələsinin 2-ci turunda Maltada yerli futbolçularla 1:1 heç-heçə edib. Allsport.az saytı xəbər verir ki, görüşlə bağlı baş məşqçimiz Qurban Qurbanov bunu deyib:

“Qələbə qazanmaq istəyirdik. Əfsuslar olsun ki, buna nail olmadıq. Bir xal qazansaq da, əslində 2 xal itirdik. Bir neçə futbolçunun hazırlıq durumundan narahat idim. Görüləsi işlər çoxdur. Nəticədən narazılıq varsa, bunu üzərimə götürməliyəm.

Qrupumuzda yer alan digər komandaların da növbəti oyunlarda itkiləri olacaq. Qalan 4 oyunda qələbə qazanacağımız təqdirdə, uğura nail ola bilərik. Hər bir çətinliyi istədiyim kimi aradan qaldırmaq asan deyil. Futbolçularıma güvənib, bir olub hazırlaşmalıyıq”.

Həmin kateqoriyadan