Rahid Əmirquliyev: “Çalışacağıq ki, azarkeşlərimizi məyus etməyək”

“Rəqib güclüdür, dünya çempionudur. Bu heç kimə sirr deyil”. Allsport.az saytı xəbər verir ki, bu sözü Azərbaycan millisinin futbolçusu Rahid Əmirquliyev deyib. O, sabah DÇ-2018-in seçmə ələməsində Almaniya yığması ilə görüşün çətin keçəcəyini qeyd edib:

“Oyuna yaxşı hazırlaşmışıq. Əlimizdən gələni edəcəyik. Mən də çox danışmağa ehtiyac duymuram. Sabah meydanda özümüzü göstərməliyik. Azarkeşin olması bizim üçün əlavə motivasiyadır. Rəqib hər dəfə bu qədər fanat önündə oynayır. Bu mənada, bizim üçün daha böyük stimuldur. Çalışacağıq ki, azarkeşlərimizi məyus etməyək”.