Ramil Şeydayevin komandası yarış cədvəlində öncülüyünü davam etdirir

Slovakiya 1-ci liqasında 23-cü turun görüşləri keçirilib. Allsport.az saytı xəbər verir ki, Azərbaycan millisinin üzvü Ramil Şeydayevin oynadığı “Jilina” səfərdə “Dunayska Streda” ilə qarşılaşıb. Futbolçumuzun komandası bu matçda heç-heçə edib (2:2).

Hücumçumuz mübarizəyə start heyətdə başayıb və 68-ci dəqiqədə əvəzlənib. “Sarı-yaşıllar” 49 xalla yarış cədvəlində öncülüyünü davam etdirir. Bratislava “Slovan”ı ondan 5 xal geri qalır.