Rauf Məmmədov “Aeroflot open”də 2-ci, Nərmin Xələfova beynəlxalq qrossmeyster oldu

Moskvada “Kosmos” mehmanxanasında “Aeroflot open” festivalı sona yetib. Allsport.az saytı xəbər verir ki, “A” yarışında yer alan Rauf Məmmədov (2688) yekunda 5,5 xalla 12-22 yeri bölüşdürüb. Əmsala görə şahmatçımız 17-ci olub. Əvəzində, təmsilçimiz sürətli oyunda fərqlənib. Qrossmeysterimiz 200 nəfərin çıxış etdiyi bu turnirdə 13,5 xalla 2-ci pilləni tutub.

“B” turnirində mili komandamızın üzvlərindən Nərmin Xələfova (2250) 39-cu (5 xal), Gulnar Məmmədoba (2401) 82-ci (4) sırada qərarlaşıblar.  Adı ilk çəkilən xanım şahmatçımız 48 reytinq xalı artıraraq qadınlar arasında beynəlxalq qrossmeyster, kişilərdə beynəlxalq usta adını alıb. Yarışın ümumi mükafat fondo 140 000 avro təşkil edib.