Sona 2 mərhələ qaldı

“Synergy Baku” Çində keçirilən sayca 5-ci “Tour of Taihu Lake” yürüşündə çıxışını davam etdirir. Allsport.az saytı xəbər verir ki, 17 kontinental və 3 milli komandanın iştirak etdiyi 9 mərhələli yarış 2.1 kateqoriyasına malikdir.

Bu gün keçirilən 7-ci mərhələdə iştirakçılar 126.2 km məsafə qət ediblər. Qoşaçarxçılarımızın hamısı finişi mərhələ qalibi ilə eyni vaxtda keçən pelotonun içərisində olublar – 2 saat, 47 dəqiqə. Fotofinişə əsasən Maksim Averin 12-ci, Elçin Əsədov 15-ci, Aleksandr Surutkoviç 16-cı, Samir Cəbrayılov 24-cü, Ənvər Asanov 32-ci, İsmayıl İlyasov isə 49-cu olub.

7 mərhələdən sonra ümumi sıralanmaya gəlincə, ilk 20-likdə komandamızın 3 üzvü yer alır: Samir Cəbrayılov 12-ci, Aleksandr Surutkoviç 16-cı, Maksim Averin isə 19-cudur.

Yürüşün 23 yaşadək velosipedçiləri arasında Samir Cəbrayılov 4-cü pillədədir – o, liderə cəmi 5 saniyə uduzur. İsmayıl İlyasov 8-ci, Ənvər Asanov isə 13-cü yerdə qərarlaşır. Komanda hesabında “Synergy Baku” 3-cü pillədədir. Sabah keçiriləcək 8-cı mərhələdə iştirakçılar 114 km məsafə qət etməlidirlər.