“Şotlandiyaya millisi çox sürətli, texnikalı və fiziki cəhətdən hazırlıqlı komandadır”

Azərbaycanın 17 yaşadək futbolçulardan ibarət millisinin baş məşqçisi Təbriz Həsənov AÇ-2016-nın qrup mərhələsində Şotlandiyaya qarşı keçiriləcək oyun öncəsi fikrini açıqlayıb. Allsport.az saytı xəbər verir ki, o, rəqib barədə bunu deyib:

“Şotlandların Portuqaliyaya qarşı necə oynadığında bir az baxmışam. Çox sürətli, texnikalı və fiziki cəhətdən hazırlıqlı komandadır. Amma buna baxmayaraq, ən azından onlara qalib gəlməyə çalışacağıq. Çünki bizə qələbə lazımdır. Nəzəri cəhətdən qrupdan çıxmaq şansımız var”.