Süleyman Mikayılov: AİBA yeni qanunla protesti ləğv etdiyindən, final haqsızlığına tədbir görə bilmədik

«Final görüşümüzdən razı qalmadım, hakim haqsızlığı ilə üzləşdik. Hamı baxırdı, televiziyası vasitəsi ilə Rio oyunları ölkəmizdə canlı yayımlanırdı».

Bunu allsport.az saytına açıqlamasında, ABF-in vitse-prezidenti Süleyman Mikayılov dedi. Lorenso Sotamoyurun (64 kq) həlledici görüşdə özbəkistanlı rəqibinə uduzmasına düzgün saymayan federasiya rəsmisi, tədbir görmələri üçün aciz olduğunu bildirdi:

«AİBA yeni qanun çıxardığından, artıq etiraz da verə bilmərik, bunu ləğv ediblər. Bütün boksçularımızdan medal gözləyirdik. Amma bu idmandır, olimpiya oyunlarıdır. Dünya çempionu rinqə çıxır, həyacanını boğa bilmir. Eləsi olur elə ilk döyüşdə uduzur».