“Traktorsazi”dən daha bir əzmkar qələbə

İran çempionatında 21-ci turun oyunları keçirilib. Allsport.az хəbər verir ki, “Traktorsazi” Məşhəd “Neft”inin qonağı olub.

Ardıcıl ikinci turda səfərdə oynayan Təbriz klubu yenə əzmkar qələbə qazanıb. Belə ki, hesabı 11-ci dəqiqədə meydan sahibləri penaltidən açıb. “Traktorsazi” buna 32-ci dəqiqədə Saman Nəriman Cahanın qolu ilə cavab verib. 83-cü dəqiqədə isə Edinyo komandasının qələbə qolunu vurub – 2:1.

Qeyd edək ki, “Traktorsazi” 21 oyundan sonra 38 хalla turnir cədvəlinin 2-ci pilləsində qərarlaşıb.