Uşaq atletikasının inkişafı üçün Sumqayıtda seminar təşkil olunub

Sumqayıt Olimpiya İdman Kompleksində uşaq atletikasının inkişaf etdirilməsi üçün “Kids Athletics Azerbaijan” adlı seminar keçirilib. Allsport.az saytı xəbər verir ki, məşğələlər Beynəlxalq Atletika Federasiyasının proqramı üzrə 1-ci dərəcəli mühazirəçiləri və AAF-in məşqçi-müəllimləri Ceyhun Hüseynov və Aqil Paşayev tərəfindən keçirilib.

2 gün davam edən toplantıda həm nəzəri, həm də praktiki məşğələlər daxil olmaqla, orta ümumtəhsil məktəblərindən olan 30-a yaxın fəal fiziki tərbiyə müəllimi, məşqçi-müəllim iştirak etmişdir.

Seminarın proqramının praktiki hissəsində 5-6-cı sinif şagirdlərinin iştirakı ilə maraqlı uşaq atletikası yarışı keçirilmişdir. Tədbirin sonunda müəllimlərə sertifikatlar, məktəblilərə isə diplomlar təqdim olunub.

Qeyd edək ki, Beynəlxalq Atletika Federasiyasının təqdim etdiyi “Uşaq atletikası” proqramı 2005-ci ildə yaradılıb və hazırda əhatə dairəsinə görə dünyanın ən geniş yayılmış kütləvi idman layihələrindəndir.

2011-ci ilin sonlarına layihə dünyanın 100 ölkəsində 1.5 milliyon uşağı əhatə edib. 2012-ci ildən başlayaraq BAF “Uşaq atletikası” proqramı üzrə məşqçi-təlimatçıların hazırlığı layihəsinə başlayıb.

Həmin kateqoriyadan