Velosiped həvəskarları üçün “Critical X-Mass Baku” yürüşü

Dekabrın 27-də velosiped həvəskarları üçün “Critical X-Mass Baku” yürüşü təşkil olunacaq. Allsport.az xəbər verir ki, 31 dekabr – Dünya Azərbaycanlılarının Həmrəylik Günü və Yeni il münasibətilə Azərbaycan Velosiped İdmanı Federasiyasının “SharkHead” velosipedçilər klubu ilə birlikdə keçirəcəyi yürüş Azadlıq meydanından (Hökumət Evinin qarşısı) start götürəcək.

İştirakçılar şəhər küçələri ilə 18 kilometr məsafə qət edəcəklər. Yürüş elə başladığı yerdə sona çatacaq. Tədbir yekunlaşdıqdan sonra isə kiçik yaşlı uşaqlara federasiya tərəfindən yeni il hədiyyələri təqdim olunacaq.