«Xəzər Lənkəran»ın hücumçusu Avroliqa barədə düşünür

«Bu görüşdə «Qarabağ» klubuna qalib gələcəyimiz halda, çempionluq uğrunda mübarizəni davam etdirəcəydik. Amma qış fasiləsinə bir tur qalmış məğlub olmağımız işimizi çətinləşdirdi».

Bunu allsport.az saytına açıqlamasında «Xəzər Lənkəran»ın  futbolçusu Elnur Abdullayev dedi. «Qarabağ» klubuna 2:3 hesabı ilə uduzduqları matç barəsində hücumçu bildirdi ki, hələ heç nə itirilməyib:

«Çempionluq şansımızı çətinə salsaq da, avroliqada mübarizə apara bilərik. Bunun üçün, bütün gücümüzü toparlayıb, Premyer Liqanı minimum 3-cü yer bitirməliyik».