Yelkənli qayıq idmanında 12 yaşlı Fidan Ağazadədən böyük uğur

Yelkənli idman üzrə millimiz Omanda “Mussanah Race Week 2019” yarışında iştirak edib. Allsport.az saytı xəbər verir ki, 23 ölkədən 156 peşəkar idmançının iştirak etdiyi mübarizədə 12 yaşlı qızlarda “Optimist” sinfi üzrə təmsilçimiz Fidan Ağazadə 3-cü yer tutub.

Peşəkarların yarışında bürünc medala böyük uğuru kimi qiymətləndirilib. Azərbaycan yelkənçilərinin çətin hava şəraitində məşq və yarışlarda məharət nümayiş etdirmələri beynəlxalq məşqçilərin hesabatlarında da xüsusi qeyd olunub.