FOTO
Yığma və “Zirvə” klubu üzvləri üçün üzgüçülük kompleksinin açılışı olub

AAAF parkda “Zirvə” İSC və Ağır atletika federasiyasının əsas təlim- məşq bazasının tərkibində üzgüçülük kompleksinin açılışı olub. Allsport.az saytı xəbər verir ki, yığma və klub üzvləri üçün nəzərdə tutulan hovuzun açılış rəmzi olan lentini AAAF park sakinləri olan 4 yeniyetmə Avropa çempionu və rekordçusu kəsib.

AAAF-ın vitse-prezidenti Tofiq Heydərov bildirdiyinə görə, bu il “İlhamla zirvələrə” şüarı ilə istifadəyə verilən 3-cü kompleks Allahın köməkliyi ilə idmanımızın daha yüksəlməsinə təkan verəcək:

“Bu kompleksin inşa edilməsində əməyi olan bütün əməkdaşlarımıza təşəkkürümü bildirirəm. İnşAllah, Lənkəran və Lerikdə daha 2 ağırlıqqaldırma zallarımızın açılışı ilə zirvəyə gedən yolun yeni təməllərini qoyacağıq”.

Qeyd edək ki, içi kosmik tərtibatda inşa edilən üzgüçülük kompleksi müasir tələblərə əsaslanıb və gözəl görünüşü, yüksək şəraiti ilə fərqlənir.

 

Həmin kateqoriyadan