Əmrəli qələbə qolunun ötürməsini verdi

Azərbaycan millisinin üzvü Mahir Əmrəlinin də çıxış etdiyi “Legiya” bu gün Polşa çempionatında növbəti oyununu keçirib.

Allsport.az xəbər verir ki, Varşava təmsilçisi 16-cı turda “Yaqelloniya” ilə üz-üzə gəlib. Görüş “Legiya”nın 1:0 hesablı qələbəsi ilə başa çatıb. Start heyətdə meydana çıxan Mahir sonadək mübarizə aparıb. Komandasının yeganə qolunun ötürməsini də Əmrəli verib. 

Beləliklə, ardıcıl 7 oyundur uduzan “Legiya” nəhayət uğursuz seriyaya son qoyub.

Bu nəticədən sonra paytaxt təmsilçisi turnir cədvəlində 12 xalla 16-cı pillədə qərarlaşıb. “Legiya” digər komandalardan  2 oyun az keçirib.

28 noyabr

20:30. “Legiya” – “Yaqelloniya” – 1:0

Qol: Yohansson, 45