“Qarabağ”ın qənimi” səfərdə Mahirin klubuna da qənim kəsildi

“Qarabağ”ın keçmiş hücumçusu, hazırda Zaqreb “Dinamo”sunda çıxış edən Mahir Əmrəli konfrans liqasının qrupunda növbəti oyununa çıxıb.

Allsport.az xəbər verir ki, paytaxt təmsilçisi doğma meydanda “Viktoriya”nı (Çex Respublikası) qəbul edib. Oyun qonaq komandanın minimal qələbəsi ilə başa çatıb – 1:0. Oyunda yeganə qolun sahibi Tomas Çori olub.

Millimizin hücumçusu start heyətdə meydana çıxıb və 56-cı dəqiqədə əvəzlənib. “Göylər” qrupda 3 oyundan sonra 3 xalla 2-4-cü yerləri bölüşdürür.

Plzen təmsilçisi 2 dəfə avrokubokda “köhlən atları” pley-ofa çıxmağa qoymayıb.