11 saniyə fərqlə rekord müəyyənləşdi

Milli xokkey liqasının pley-off seriyasının birinci mərhələsinin dördüncü oyununda “Florida Panterz” “Tampa Bey Laytninq” qəbul edib.

Allsport.az xəbər verir ki, “Amerant Bank Arena”da keçirilən görüş meydan sahiblərinin 4:2 hesablı qələbəsi ilə yekunlaşıb. Qonaqlar bu görüşdə klub rekordu vura biliblər.
“Tampa”nın birinci və ikinci qolları ikinci dövrədə 11 saniyə fərqlə vuruldu. Qonaqların heyətində əvvəlcə Mitçel Çaffi, ardınca isə Erik Çernak fərqlənib. Bu, onlar üçün Stenli kubokunda yeni rekord olub.

Daha əvvəl “Tampa”nın oyunçuları aralarında bu qədər qısa vaxt fərqi ilə iki qol vurmamışdı.