Açıq Budapeşt turnirində 11 medal qazandılar

Azərbaycan savat federasiyası 24-25 yanvarda Macarıstanın paytaxtı Budapeştdə savat assault və savat kombat idman növü üzrə ənənəvi beynəlxalq açıq Budapeşt turnirində iştirak edib.

Allsport.az xəbər verir ki, yarışda 15-dən çox ölkədən 350-yə yaxın idmançı iştirak edib. Turnirdə kadetlər, yeniyetmələr, gənclər və böyüklərdən ibarət yığma komandanın 11 idmançısı ölkəmizi təmsil edib.
Nəticədə idmançılarımız ölkəmizə ümumilikdə 5 qızıl, 2 gümüş və 4 bürünc medal qazandırıb.

Kadet yaş qrupu üzrə:
Mehman Rəsul – 30 kq çəki qızıl medal (Mətin İK).
Məhəmməd Rəsul – 35 kq qızıl medal (Mətin İK).
Yeniyetmələr yaş qrupu üzrə:
Yusif Xəlilzadə – 45 kq çəki, qızıl medal (Mətin İK).
Ömər Namazov – 45 kq çəki, gümüş medal (İrəvan İK).
Məhərrəm Əliyev – 55 kq çəki, gümüş medal (Mətin İK).
Rafael Məmmədov – 50 kq çəki, bürünc medal (İrəvan İK).
Gənclər yaş qrupu üzrə:
Quluyev Uğur – 48 kq çəki, qızıl medal (Mətin İK).
Böyüklər yaş qrupu üzrə:
Bəyrək Bağırov – 85 kq, bürünc medal (Gədəbəy İK).
Sənan Babazadə – +85 kq, çəki bürünc medal (Gəncə SK).
Hikmət Xəlilov – +95 kq çəki, bürünc medal (Bakı döyüş klubu).
Sonda isə savat kombat idman növü üzrə böyüklər arasında Tural Baloğlanov 65 kq çəki dərəcəsi ilə savat kombat idman növü üzrə kubok döyüşünün qalibi olub.