Antidopinq məcəlləsində dəyişikliklər və yeniliklər barədə KİV üçün vebinar keçirildi

Bu gün milli antidopinq agentliyi və idman jurnalistləri federasiyasi 2021-ci il ümumdünya antidopinq məcəlləsində qüvvəyə minəcək dəyişikliklər və yeniliklər haqqında KİV üçün vebinar təşkil etdi. Allsport.az saytı xəbər verir ki, 2021-ci il yanavarın 1-dən qüvvəyə minəcək məcəllədə bir sıra vacib yeniliklər əksini tapıb. Bunun dolğun şəkildə idman ictimaiyyətinə çatdırılması üçün, AMADA tərəfindən görülən işlərlərlə bağlı media nümayəndələri məlumatlandırılıblar.

Üstəlik, idmançılar, onların köməkçi heyəti, respublilka idman federasiyalarının rəsmi şəxsləri və məsul şəxslər üçün silsilə vebinarlar keçirilib. Təlimlərdə onlara qüvvəyə minəcək yeniliklər ətraflı izah edilib. Bundan əlavə, onlar yenilikləri əks etdirən əyani vəsaitlər və digər maarifləndirici vəsaitlərlə təmin ediləcək.

Vebinarda yeni ümumdünya antidopinq məcəlləsində qüvvəyə minəcək dəyişikliklərlə bağlı videotəqdimat nümayiş etdirildi. Sonra mövzu ilə bağlı jurnalistləri maraqlandıran suallar cavablandırıldı.