Azərbaycan prezidenti Formula-1 qrupunun idarə heyətinin sədrini qəbul edib

Azərbaycan prezident İlham Əliyev noyabrın 22-də Formula-1 qrupunun idarə heyətinin sədri və prezidenti Stefano Domenikalini və Formula-1 qrupunun məsləhətçisi Flavio Briatoreni qəbul edib.

Allsport.az saytı xəbər verir ki, görüşdə Formula 1 yarışlarının Azərbaycanda uğurla keçirilməsinin önəmi vurğulandı, dünyada bu yarışlara marağın getdikcə artdığı bildirildi və yarışları seyr etmək üçün ölkəmizə xeyli sayda turistlərin gəldiyi məmnunluqla qeyd olunub.

Dövlət başçısı Azərbaycanın turizm potensialının hər il daha da genişləndiyini bildirib. Qonaqlar ölkəmizdə bu yarışların daha da inkişaf etməsi üçün əllərindən gələni əsirgəməyəcəklərini bildiriblər, yarışlara beynəlxalq və Azərbaycan ictimaiyyətini daha çox cəlb etməyə çalışdıqlarını qeyd ediblər.

Onlar artıq dünyada çox tanınan Bakı şəhər halqasının Formula-1 üzrə dünya çempionatının ən gözəl treklərindən biri olduğunu, bu yarışların keçirilməsi üçün Bakıda gözəl və müasir infrastrukturun yaradıldığını vurğulayıblar.

Həmin kateqoriyadan

AzerbaijaniEnglishRussianTurkish