Azərbaycanlıların soyqırımının 104-cü ildönümünə əlil futbolçular arasında yoldaşlıq görüşü

Martın 31-də Bakı olimpiya stadionunun ehtiyat meydançasında Azərbaycanlıların soyqırımının 104-cü ildönümü münasibətilə əlil futbolçular arasında yoldaşlıq görüşü keçirilib. Allsport.az saytı xəbər verir ki, soyqırım qurbanlarının xatirəsini yad etmək məqsədilə təşkil edilən oyunu gənclər və idman naziri Fərid Qayıbov və müavini Mariana Vasileva da izləyiblər.

“Qarabağ – əlil döyüşçülər” futbol federasiyasının prezidenti Rövşən Quliyev qurumun fəaliyyəti barədə nazirə məlumat verib. Bildirilib ki, federasiya yarandığı gündən bir neçə dəfə Avropada ölkəmizi uğurla təmsil edib. Eləcə də, federasiya mayın 20-dən 22-dək Polşanın Krakov şəhərində 8 ölkənin iştirakı ilə keçiriləcək avroliqaya vəsiqə qazanıb.

Həmin kateqoriyadan

AzerbaijaniEnglishRussianTurkish