Forgot Password New Account
Gəzən xəbər

Bakı mükafat yarışının rəsmi elçisi Bəhreyndə uğursuzluğa son qoymaq istəyir

Formula 1
12 aprel 2017 / 13:42 Baxış sayı: 1008

“Maklaren”in sürücüsü Fernando Alonso Bəhreyndə “Xonda” mühərriyi ilə təchiz edilmiş MCL32-dən maksimumu çıxaracağını bildirib. Allsport.az saytı xəbər verir ki, 2-qat dünya çempionu Avstraliya və Çin yarışlarında xal qazanmağa yaxın olsa da, hər iki yarışda da etibarsızlıq probleminə görə mübarizəni vaxtından əvvəl dayandırmalı olmuşdu.

35 yaşlı təcrübəli sürücü karyerası ərzində 32 qələbə qazanıb və bunlardan üçü Bəhreynə (2005-ci, 2006-cı və 2010-cü illər) təsadüf edir. F-1.az xatırladır ki, Bakı qran-prisinin rəsmi elçisi Saxir trasında ən çox qalib gəlmiş sürücüdür.

“Şanxayda mübarizəni dayandırmazdan əvvəl yerim ümidverici və sürətimiz gözlədiyimizdən daha yaxşı idi. Buna görə də Bəhreyndə sürprizlər gözləyirəm. Bəhreyn bizim üçün çətin yarış olacaq. Uzun düzlüklər işimizi asanlaşdırmır və mühəndislər çox şey üzərində işləməlidirlər. Əyləclər tez aşınır və yanacağımız tez qurtarır.

Həftəsonları trasdakı temperatur çox dəyişdiyi üçün sazlanmaları tapmaqda çətinlik çəkirik. Oradakı yarış axşam olacaq. Boksdan hər çıxanda boliddən maksimumu almağa çalışıram. Bəhreyndəki həftəsonunda da eyni şeyi edəcəm.

Keçən il burada çıxış edə bilmədim və buna görə də trasa çıxmaq üçün səbirsizlənirəm. Orada 3 yarış qazanmışam. Yarıqaranlıqda yarışmaq həmişə həzz verir. Bəhreyndəki yarışlar həmişə uzun çəkir və birinci hədəfimiz istiyə qarşı dözümlü olmaqdır. Səhranın sərt hava şətaitinə hazır olmalıyıq”- deyə, Fernando Alonso əlavə edib.

Həmin kateqoriyadan